حسن خليل يوضح اللغط بعد مقابلته مع رابعة الزيات؟ 

حسن خليل يوضح اللغط بعد مقابلته مع رابعة الزيات في برنامج شو القصة؟

صرح الفنان حسن خليل بعد الضجة التي حدثت بعد مقابلته ببرنامج شو القصة مع الإعلامية اللطيفة رابعة الزيات .. اقتضى توضيح بما يلي :

أنا حسن خليل الشخص يلي ضل ناطر 13 سنة حتى يوصل لهي الحظة يلي يلملم فيها شتات وتعب وجهد سنين مرّت وعدت … و انتظرت كتير حتى أحصد هيدا النجاح من السعي يلي سعيتو بالسنين يلي مضت…
لقائي مع الإعلامية رابعة الزيات كان تجربتي الأولى لمقابلة تفصيلية وطويلة عن شغلي وحياتي ، و بهالمقابلة أنا كنت هو “أنا”.

يعني كنت حسن يلي الأشخاص القراب بيعرفوه ما كنت حسن الفنان ولاكنت حسن خليل يلي اخدر دور بمسلسل كسر عضم للمخرجة رشا شربتجي .

اللغط يلي صار بخصوص موضوع المعجبين والمعجبات خاني فيه المقصد والتعبير … و لكنني لم أكن أقصد إطلاقاً ان اقلل من اقدر وقيمة الناس المقصودين نهائياً…خصوصاً أني أنا شخص اختبرت فضل هالناس عن طريق محبتهم/هنّ الي…ومحبتنم هيي يلي عطتني دافع اكبر حتى انطلق وكفي مشواري و كانت هيي الأجر الكبير و تعويض تعب السنين فعلاً….

فمن هالمنبر هاد أنا بعتذر عن سوء الفهم او سوء التعبير…و بأكد على شكري وتقديري واحترامي لكل حدا دعمني ان كان من المقربين أو من المعجبين او المعجبات من الناس يلي حولي .

وبالختام، بتمنى تنتظروا لتشوفوا الصورة الكاملة لاي فنان او شخص قبل ما نحكم عالناس… مشان الغلطان فينا نلتمسلو عذر مانظلمو لمجرد شي سمعنا عنو وماعرفنا شو تفاصيلو..

و شكراً لجميع الناس يلي تأكدت من نيّتي انها طيبة وصافية بعد ما شافوا المقابلة بالكاملة.

لمزيد من الأخبار تابعونا على قناة التلغرام هنا

لمزيد من الاخبار تابعونا على قناة التلغرام من هنا